Доналд Трамп ѝ возврати на Русија откако од Москва се заканија дека ќе ги срушат сите проектили упатени кон Сирија како одговор на тамошните напади со хемиско оружје. Тој вели дека односите помеѓу двете земји се полоши од било кога, па голем дел од светот стравува од потенцијална војна.
Откако Доналд Трамп стапна во претседателската канцеларија, односите на САД со големите светски сили се разнишаа и станаа нестабилни.
Последното влошување на односите на САД со Русија го предупредува светот дека нова војна може да започне во било кој момент, па затоа сакавме да ве потсетиме дека постојат и онакви земји кои не се плашат од војни, од една или друга причина.
Во случај на конфликт, Глобалниот светски индекс за мир вели дека Исланд е најбезбедната земја за живеење. Исланд има добар однос со сите светски земји, не учествува директно, ниту индиректно во ниту една војна и е географски доволно оддалечена од САД, Русија и Кина за да не мора да се плаши од „заскитан напад“.
Веднаш зад Исланд на листата се наоѓа Нов Зеланд, кој е енергетски скоро целосно независен. Скоро целата струја Нов Зеланд ја добива од хидроелектрани, а покрај тоа има и плодна почва која може да одгледува било каква култура. Во случај на нова војна, оваа држава е целосно изолирана на посебен крај на Земјината топка, па затоа и географски е обезбедена нејзината безбедност.
Зачудувачко беше присуството на Канада помеѓу десетте најбезбедни земји во светот, ако се земе предвид дека таа се наоѓа веднаш до САД. Но, посветеноста на Канада да избегнува воени конфликти, добрата надворешна политика и условите кои ги нуди самата земја со право ја сместуваат помеѓу најбезбедните земји во светот.
Десет најбезбедни земји за живеење:
- Исланд
- Нов Зеланд
- Португалија
- Австрија
- Данска
- Чешка
- Словенија
- Канада
- Швајцарија
- Ирска/Јапонија
