Додека граѓаните се собираат во центарот на Белград за да одржат голем протест со студентите, српскиот претседател Александар Вучиќ замина на другата страна на градот.
Вучиќ го посети градилиштето во Сурчин каде ќе се одржи ЕКСПО 2027.
„Луѓето сонуваат различни соништа. Сакам Србија која се гради, Србија која напредува, Србија која победува. Србија ќе победува денес и секогаш“, се вели во описот на оваа објава.
Во Белград денеска се одржува голем студентски протест. Централниот митинг започнува во 16 часот, додека собирот на граѓаните ќе започне неколку часа порано на различни локации во Белград.
Вучиќ вчера ѝ се обрати на јавноста. Вучиќ постојано тврдеше дека собирот ќе биде насилен, дека разузнавачките служби имаат информации за планирани инциденти и дека државата ќе спречи обид за „обоена револуција“.
Вучиќ вели дека е подготвен да падне од власт.
„Тоа е, како што разбирам, утре, горд сум на она што го направив во последните 15 години. Нема да плачам, а задутре ќе разговараме за тоа како ме собориле. Тоа е гол повик на насилство“, рече тој. „Вие кои ги уништувате Србите како народ, вие што мислите дека Косово е независно, вие што мислите дека Србите се геноциден народ“, ги повика Вучиќ организаторите на протестот.
