Во просек најмногу ќе платите за чашка капучино во Копенхаген, а најевтино ќе поминете во Милано.
Просечните цени се за 2019 година, а истражувањето било направено во 55 најпосетени градови ширум светот.
Дури 6,30 долари во просек чини едно капучино во кафулињата во данскиот главен град Копенхаген. Тоа е најскапиот град на светот кога станува збор за ова кафе. Малку зад него е Дубаи со точно 6 долари по чашка, трет е Хонгконг со 5,70 долари.
Затоа, пак, најевтино капучино ќе најдете, изненадувачки, во Милано. Таму во просек капучино чини 1,67 долари. Нешто поскаро капучино за 1,91 долари има во аргентински Буенос Аирес, а на третото место со точно 2 долара е Рим.