Бројот на туристи во светот забележа пораст од седум отсто во 2017 година, што е најголем раст во последните седум години, соопшти Светската туристичка организација.
Оваа организација на Обединетите нации наведе дека очекува овој тренд да продолжи и во 2018 година, кога се предвидува раст на бројот на туристи меѓу 4 и 5 отсто.
Овој пораст посебно се одразува во Европа, каде е забележано зголемување на бројот на туристички посети од осум отсто.
Порастот на бројот на туристи на светско ниво го одржува економското подобрување и силната побарувачка на бројни пазари на земјите со брз развој, стои во извештајот.
Бројот на меѓународни посетители достигна бројка од 1.3 милијарди луѓе.
Се укажува на тоа дека Франција останува главна светска дестинација на туризмот во 2017 година, изјави функционерот на организацијата Џон Кестер и додаде дека конечните резултати ќе бидат објавени на пролет.
Генералниот секретар на организацијата Зурам Пололикашвили вели дека очекува Шпанија да биде втора светска дестинација, пред САД.
Исто така, се пренесува дека добри резултати се забележани и во Африка, каде е остварен раст од осум отсто, како и на Блискиот Исток, каде бројот на туристи пораснал за пет отсто, а подобрување е забележано и во Египет, Турција и Тунис.