Филмот „House of Gucci“ на Ридли Скот детално ја опишува животната приказна на Патриција Реџани и нејзиниот поранешен сопруг Маурисио Гучи, но многу малку внимание посветува на нивните деца.
Реџани и Гучи имаа две ќерки, Алесандра и Алегра. Алесандра е прикажана малку во филмот, додека Алегра воопшто ја нема.
Маурисио беше последниот член од семејството Гучи кој ја водеше компанијата пред да биде откупена од инвестициска банка во 1992 година.
Што се случи со Алесандра и Алегра по убиството на нивниот татко?
Алесандра и нејзината помлада сестра имаа само 20, односно 16 години кога мајка им беше уапсена во 1997 година и осудена на 26 години затвор. Сестрите во 2004 година водеа кампања во која бараа повторување на судењето во случајот на мајка им. Тврдеа дека таа „не била ментално стабилна во време на убиството“, откако била оперирана од тумор на мозокот во 1992 година.
Алегра дури и студирала право за да помогне во случајот на мајка ѝ, пишува Vogue. Таа неколку децении е далеку од очите на јавноста, но познати се неколку детали за неа.
Никогаш нема работено за модната куќа чие презиме го носи, но има дизајнирано чанти за нејзиниот бренд AG. Нејзината колекција The First има вкупно 99 произведени чанти.
Каде се денес Алесандра и Алегра?
По смртта на татко им наследија милиони, како и неговите јахти и имоти во Њујорк и Милано. Сега и двете живеат во Швајцарија со семејствата, и според пишувањето на Guardian, сакаат да останат анонимни.
Каков е нивниот однос со мајка им?
Реџани беше ослободена порано поради добро однесување, откако отслужи казна од 18 наместо од 26 години. Иако ќерките претходно јавно ја бранеа, во 2016 година Реџани изјави дека воопшто не разговараат.
„Минуваме низ лош период, не ме разбираат и ми ја укинаа финансиската поддршка. Немам ништо, ниту внуците ги имам запознаено“, изјави таа тогаш во интервју за The Guardian.
Инаку, Реџани прима годишна пензија од 1,47 милиони долари бидејќи Гучи пред смртта потпиша договор со кој се согласи таа сума да ѝ ја исплаќа до крајот на животот.