Најмногу електрични патнички возила на американскиот производител Tesla на европскиот континент во 2018 година биле испорачани на клиенти во Норвешка.
Tesla моделите со години се многу барани во оваа скандинавска земја која е позната по големиот број електрични автомобили на улиците, а така беше и во 2018 година.
Лани во Норвешка биле регистрирани вкупно 8.614 нови автомобили Model S и Model X, па така оваа земја го задржа приматот во Европа по продажба на Tesla возила.
На второ место по побарувачка на автомобилите на Tesla е Холандија, каде во 2018 година биле испорачани 8.585 возила.
Според норвешките медиуми, продажбата на Tesla автомобили во земјата значително ја помогнале рент-а-кар компаниите како Avisa, која во 2018 година купила околу 280 примероци Model S и Model X.
Лани во Норвешка речиси секој трет (31,2%) нов автомобил бил на електричен погон
Од вкупно 194.200 возила продадени во оваа земја во 2018 година, дури 60.590 биле на струја.
