Чеченскиот лидер Рамзан Кадиров ѝ се закани на Полска преку видео на неговиот канал на Telegrama.
Дел од снимката на својот Twitter профил објави новинарот на BBC Френсис Скар.
„Украинското прашање е решено, мене ме интересира Полска. Што се обидуваат да постигнат? По Украина, ако добиеме наредба, за шест секунди ќе ви покажеме за што сме способни. Подобро да го вратите вашето оружје и вашите платеници“, вели Кадиров на снимката.
„Исто така, би било подобро да побарате официјална прошка за она што му го направивте на нашиот амбасадор. Ние нема само да го игнорираме, имајте го на ум тоа“, рече Кадиров, мислејќи на инцидентот во кој неодамна рускиот амбасадор во Полска беше испрскан со црвена боја.
