Јапонија е позната по откачените локали и тематски забави, па што е следно? Зона без шминка.
Кафулето Naturalia вработува само девојки кои не се шминкаат.
Во промотивното видео за концептот, двете сопственички велат дека ја добиле идејата откако не можеле да најдат локал во градот каде вработените изгледале „обично и едноставно“, па затоа решиле сами да отворат кафуле.
Сопственичките сега ќе отвораат втор локал во Токио, откако првиот во Сапоро почна одлично да работи.
Потенцијалните вработени ќе добиваат плата од 12 долари на час, но не смеат да пушат, да се шминкаат, да имаат премногу впечатливо обоена коса или нападен маникир.
Исто така сопственичките велат дека нема да ангажираат девојки кои претходно работеле во ноќни клубови или кабареа.
