Неверојатно видео доаѓа од еден сибирски град на кое се гледа како разбеснета мечка брка човек по градските улици.
Не е чудно да видиме комбинација на мечки и снег и тоа да доаѓа од Русија. Но, ова е како оние кучиња скитници кои напаѓаат луѓе низ македонските градови, а властите никако да се справат со нив.
Случката е од градот Нижневартовск во Западен Сибир кој има околу 280 илјади жители. Локалните минувачи биле запрепастени од глетката, а некои го снимиле настанот.
Бркотницата почнува без човекот на било каков начин да ја задева мечката, Всушност, тој зборува на телефон кога во еден момент кафената мечка го напаѓа, по што тој се дава во бегство.
За среќа, крајот е добар и за човекот и за крзнениот непријател иако во текот на потерата мечката беше удрена од автобус.
Екипа од тимот за контрола на животни брзо дошла на локацијата и го смирила животното кое за среќа не било повредено од ударот на автобусот.
Се востановило дека не се работи за дива залутана мечка, туку за домашно милениче кое избегало од блискиот хотел каде било чувано. Поради тоа сега и полицијата го истражува случајот.