Постојат само три знамиња на независни држави кои содржат повеќе од пет бои, не вклучувајќи ги боите на грбовите кои некои знамиња ги имаат.
Знамето на најјужната африканска земја има 6 бои: црна, златна, зелена, црвена, бела и сина. Знамето беше усвоено на 27 април 1994 година по падот на апартхејдот. Дизајнот е инспириран од знамето на Јужноафриканската Република која постоела од 1852 до 1914 година и од знамето на социјал-демократската партија на државата - Африкански национален конгрес.
Знамето на најновата африканска држава содржи исто така 6 бои: црна, сина, жолта, бела, црвена и зелена. Ова е едно од најновите знамиња во светот, усвоено на 9 јули 2005 година, веднаш по потпишувањето на мировниот договор со кој се заврши Втората суданска граѓанска војна. Всушност, ова знаме е постаро од држават која го употребува со оглед на тоа што Јужен Судан стана независна држава во 2011 година, кога се одвои од Судан.
Единственото знаме во светот кое има 7 бои е она на карипската островска држава Доминика: зелена, жолта, црна, бела, црвена, виолетова и кафена. Црвениот штит во кој се наоѓа папагалот не е грб на државата. Сличен дизајн на знамето се употребува од 1978 година, но трипати бил менуван, а денешната верзија датира од 1990. Доминика е една од трите држави во светот заедно со Ел Салвадор и Никарагва која на своето знаме има виолетова боја. Папагалот од видот сисеру живее само во оваа држава и може да се сретне во сина и виолетова боја, а Доминиканците намерно ја избрале втората за нивното знаме да биде едно од ретките кое ја има оваа боја. Седмата боја, кафената, е нечиси неприметлива - се работи за гранката на која стои папагалот.
