[КАЈГАНА интервју] Себастијан Ерера - наскоро колумбиски шмек во репрезентацијата на Македонија?

Пет години ги брани боите на Работнички и важи за еден од најдобрите играчи во домашната лига. Колумбиецот Ерера сега и според правилата на ФИФА почна да чука на вратата од македонската репрезентација.

Пролетта 2015 година во тимот од Дебар Маало пристигнува на проба група од неколкумина млади колумбиски фудбалери. Под будното око на тренерот Игор Ангеловски, сега селектор на Македонија, тестот го поминуваат само двајца: латералниот бек Себастијан Ерера Кардона (Sebastián Herrera Cardona) и централниот дефанзивец Александер Борха Кордоба. Таа сезона Работнички го освои купот, но Колумбијците немаа право на настап и беа регистрирани тек за наредната сезона.

Токму Ерера, чие презиме македонските медиуми и натаму го грешат именувајќи го како Херера иако во шпанскиот јазик гласот на буквата Х (H, Herrera) е нем, бранејќи ги црвените бои успеа да се наметне како најдобар лев бек во македонската лига, често пати завршувајќи во тимот на колото, на месецот и на сезоната. Веќе во Работнички ја има и улогата на заменик капитен.

Сепак, во поглед на начинот на живот нам чекорот од Колумбија со Македонија ни изгкледа голема промена. Токму затоа решивме на Ерера да му поставиме серија прашања кои тој со задоволство ги одговори откривајќи интересни работи. Македонски разбира и зборува, иако сѐ уште не ја совладал кирилицата.

Како го почна животот во Скопје? Дали има сличности овдешниот живот со оној во Колумбија?
Две години живеев во Чаир, две години кои ми послужија да научам многу за земјата и за околината во која живеам. Многу е слично како во Колумбија, секоја личност тука има некоја неизмерна радост во себе.

Што најмногу ти недостига од Колумбија? Нормално, покрај фамилијата.
Добро, фамилијата е на прво место, но потоа следуваат пријателите. Ми фалат деновите поминати со нив.

Она во кое се сомневавме е дека Себастијан знаел каде всушност доаѓа кога се упатил кон Македонија.

Кога првпат слушна дека ќе доаѓаш во Македонија, што си помисли? Знаеше ли воопшто каде одиш?
Беше многу чудно кога ме прашаа дали би сакал да играм во Македонија. Нормално, појма немав каде се наоѓа бидејќи ние што живееме во Јужна Америка не дознаваме многу за она што се случува во Европа. Сепак, не му ја мислев многу дали да дојдам.

Со кого најмногу се дружиш во Работнички надвор од зелениот терен?
Со секоја година што поминува, бројот на пријатели се зголемува. Но, најмногу време минував со Дуле Трајчевски и за тоа треба многу да му се заблагодарам. Исто и со Дамјан Шишковски. Тие двајца најмногу ме дружеа тука.

Душко Трајчевски, инаку дефанзивен играч од средината, му беше соиграч на Ерера до летото 2018 кога направи трансфер на Кипар, во редовите на Алки. Од минатото лето се префрли во Докса. Голманот Дамјан Шишковски, пак, е дете на „Романтичарите“. Го дружи Ерера и ден денес, со исклучок на оние шест месеци кои ги мина во белгиски Гент и лани кога го чуваше голот на финските екипи Лахти и РоПС.

Во Работнички најчесто играш како лев бек. Дали отсекогаш си играл на таа позитиција и на која друга би можел да играш по потреба?
Да, таа е моја природна позиција. Но, имам играно и како десен бек, а немам проблем и со играњето и како централен.

Иако дефанзивец, често оди напред. Сезонава има забележано 5 асистенции без постигнат гол. Досега во 1.МФЛ има одиграно вкупно 108 натпревари, 7 постигнати голови и 16 асистенции. Има настапи и во квалификациите од Лига Европа и Купот на Македонија, како и 1 настап во македонскиот Суперкуп во 2015 кога Работнички загуби на пенали од Вардар.

Remote video URL

Кој натпревар на кој си играл засекогаш ќе го памтиш како омилен?
Финалето во Купот на Македонија против Шкендија.

Иако тоа финале му е омилен натпревар на Ерера, сепак неговиот тим тогаш загуби и не се закити со драгоцениот пехар. Тоа куп финале се играше на 16 мај 2016 година, а тетовчани победија со 2:0 на тогаш „Филип II“ во Скопје. Себастијан ги одигра комплетните 90 минути.

Remote video URL

Дали имаш омилен клуб од Колумбија за кој навиваш? Каков е квалитетот на фудбалот таму и со која европска лига би ја споредил колумбиската?

Ерера во дресот на Депортиво Пареира

Фудбалот во Колумбија достигна едно многу високо и тешко ниво. Да се игра таму е многу убаво бидејќи амбиентот на трибините е нешто посебно. Мој омилен клуб е Атлетико Насионал, како и Депортиво Пареира, клубот каде што го направив моето деби како професионалец. Кога би споредувал со некоја европска, мислам дека колумбиската лига најмногу сличности има со белгиската.

Атлетико Насионал од градот Медељин е еден од трите клуба кои никогаш не испаднале од најдобрата колумбиска лига, заедно со Миљонариос и Санта Фе. Има 16 титули шампион на Колумбија, 4 титули во купот и 2 пати освојувач на Копа Либертадорес од кои последниот во 2016 против изненадувањето Индепендиенте дел Ваље од Еквадор. Важи за најпопуларен колумбиски клуб.

Депортиво Пареира е помал клуб. Бил шампион во втората лига која ја освои и лани па сезонава е дел од најдобрата лига.

Доколку направиш споредба на колумбиската со македонската храна, колку е различна? Кое е твоето омилено колумбиско јадење, а кое македонско?
Па и нема баш многу разлика, многу работи се идентични како во Колумбија, па затоа и немам проблеми. Моето омилено колумбиско јадење е бандеха паиса (bandeja paisa), додека тука во Македонија омилено ми е скара со пиво и да биде на село хахаха.

Наредната година токму Колумбија ќе биде кодомаќин на Копа Америка, заедно со Аргентина. Всушност, првенството требаше да се игра сега, во јуни, но како и ЕУРО, беше одложено за 2021 година. Поделени географски, се наоѓа во прилично незгодна група со Бразил, Еквадор, Перу, Венецуела и гостинот Катар. Колумбија ќе ја брка само втората титула шампион на континентот, а единствената им е во 2001 кога исто така беа организатори и го победија Мексико со 1:0 со голот на дефанзивецот Иван Кордоба.

Што мислиш за шансите на Колумбија да стане шампион на Јужна Америка?
Имаме една многу добра генерација со одлични фудбалери. Ќе биде многу интересно првенство и дај Боже Колумбија да успее да биде сериозен претендент за трофејот.

Кој е твојот омилен колумбиски фудбалер?
Немам некој посебно омилен играч од Колумбија, сите фудбалери ми се интересни. 

Дали имаш одено на стадион да ја гледаш репрезентацијата на Македонија во некои од квалификациските или пријателските натпревари?
Секако дека одам, секогаш кога можам. Имам пријатели кои се репрезентативци и треба да им дадам поддршка.

Себастијан веќе 5 години живее во Македонија. Според правилата на ФИФА, ги исполнува условите за да заигра за нашата репрезентација, нормално, доколку има желба за такво нешто, а со оглед на неговиот квалитет, воопшто нема да биде изненадување доколку селекторот Игор Ангеловски веќе на следните натпревари му упати повик.

Дали си размислувал да играш за Македонија? Каков ќе биде твојот одговор доколку добиеш повик?
Нормално, јас и го очекувам тој голем момент и напорно работам за да добијам повик. Којзнае дали сум блиску до повик или не, но како и да е, мислам дека селекторот знае дека можам да бидам дел од репрезентацијата така што јас продолжувам да работам напорно за да се изборам за повик.

Каде се гледаш во иднина? Можеби би сакал да се пробаш во некоја посилна европска лига?
Секогаш работев за да стигнам до тука. Но, и тоа како би сакал да пробам да играм и во некоја друга европска лига, било каде. Би ми било задоволство.

На Себастијан му се заблагодаруваме за одвоеното време и му посакуваме долга и бериќетна кариера. Па можеби и ќе го видиме во црвено-жолтиот дрес наесен.

Фото: ФК Работнички Скопје

реклама

Порнографски видеа и фотографии со девојки и жени од Гевгелија препраќани на социјалните мрежи

Read more

Коронавирус и имунитет – научно објаснето

Read more

Италија забрани влез од 13 земји

Read more

Од денеска скопјани ќе се возат во нови автобуси

Read more

Интервју

[Кајгана интервју] Александра Јанева: Настапите се дел од мене, сега кога ги нема чувствувам празнина

Read more

Интервју со Lide Lide, најголемиот фан на Венко Филипче

Read more

[КАЈГАНА интервју] Себастијан Ерера - наскоро колумбиски шмек во репрезентацијата на Македонија?

Read more

[КАЈГАНА интервју] Камбек на Стефанија Насеска: Модно Скопје ќе стане Берлин на Балканот

Read more

Ново

Скопјанец обвинет за кражба на икони вредни 1.000 евра

Читај повеќе

Направена жрепката и за Лига Европа

Читај повеќе

Венеција тестира нов систем за заштита од поплави

Читај повеќе
  • play_arrow

Германски виролог: Ќе има и трет бран, мора да научиме да живееме со вирусот

Читај повеќе

Откриен шпион во кабинетот на Ангела Меркел

Читај повеќе

Извлечени двојките за остатокот од Лигата на шампионите

Читај повеќе
  • play_arrow

МОСТ ќе ги следи изборите со близу 900 набљудувачи

Читај повеќе

Руската вакцина во последна фаза: Волонтерите се чувствуваат добро

Читај повеќе
  • filter

10 јули 1962, сателитот Telstar започнал ТВ пренос во живо од Европа во Америка

Читај повеќе