По празниците, време е да здивнеме малку и да почнеме да внимаваме на нашата исхрана. Затоа, ви препорачуваме да ги подготвите овие вкусни кифлички кои се прават со интегрално брашно.
Потребни состојки:
300 мл. млеко
200 мл. вода
100 мл. масло
1 квасец(40гр.)
2 лажички шеќер
1 лажичка сол
5 големи лажици бело брашно
700-800 гр. интегрално брашно
За премачкување:
1 жолтка и сусам пред печење, по печење се премачкуваат со маргарин/путер.
Начин на подготовка:
Во сад се става топла вода па се додаваат квасец, бело брашно и шеќер, се мешаат состојките, па смесата се остава да отстои 5 минути.
Се додава топло млеко, масло, сол и интегрално брашно по потреба, се меси тестото и се остава да надојде околу 30 минути.
Потоа, тестото се размесува и се дели на 2 дела. Двете половини се делат на 4 дела.
Треба да имате вкупно 8 топчиња, а секое топче се расукува и се сече на 8 дела, па се прават кифлички.
Откако ќе се направат кифличките, се оставаат да отстојат 20-30 мин. Се мачкаат со жолтка и сусам, и се печат на 200 степени. Откако ќе се испечат, се премачкуваат со маргарин или путер.
На здравје!
*рецепт и фото: Ивана Ставревска-Ѓошевски