На третиот ден од ЕУРО 2020, дебитантски настап на едно големо фудбалско натпреварување ќе има македонската фудбалска репрезентација.
Избраниците на селекторот Игор Ангеловски попладнево со почеток во 18 часот, на „Национална арена Букурешт“ во романската престолнина ќе се соочат со репрезентацијата на Австрија.
Атмосферата во Букурешт синоќа беше фантастична, како што пренесува со видео нашиот колега Филип Здравески, во спортски дух и потсетува на „старото нормално“.
Македонската химна ечеше низ улиците на Букурешт, во очекување на денешниот натпревар на кој македонските „рисови“ ја имаат безрезервната поддршка на целата земја.