Југославија можела да се пофали со исклучителни фудбалери, а и денес на овие простори се појавуваат одлични играчи.
Аргентинскиот магазин Ole им посвети внимание на играчите од просторите на поранешна Југославија, која последниот настап на Светското првенство под тоа име го имаше во 1990 година.
Аргентинците составија тим со играчи водејќи се по тоа како би можело да изгледа денешната репрезентација на поранешната држава.
Тие наведуваат дека на голот на тимот на поранешната заедничка држава во 2021 година би бил чуварот на мрежата на Атлетико Мадрид, Јан Облак, а во одбраната би играле Шиме Врсаљко, Никола Миленковиќ, Стефан Савиќ и Александар Коларов.
Понатаму наведуваат дека во средниот ред би можело да играат Лука Модриќ, Марцело Брозовиќ, Матео Ковачиќ и Сергеј Милинковиќ-Савиќ, а алтернативи се Адам Марушиќ, Миралем Пјаниќ и Филип Костиќ.
Аргентинските новинари во нападот вклучија двајца играчи - капитените на „змејовите“, Един Џеко и Душан Тадиќ, а алтернативи би биле Душан Влаховиќ, Иван Перишиќ, Стеван Јоветиќ и Лука Јовиќ.
Аргентинците го формираа овој тим врз основа на субјективни мислења за општиот квалитет на играчите кои настапуваат за репрезентациите од овие простори, а не поради моменталната форма со која ваквиот состав би можел да изгледа значително поинаку, особено поради тоа што во сите држави во моментов играат некои нови помлади играчи, како нашите Елиф Елмас и Аријан Адеми.