Многу одлични фудбалери излегле од хрватскиот клуб. Доколку загрепчани беа голем клуб кој би можел да си дозволи да ги чува своите ѕвезди, еве како денес би изгледала нивната стартна формација.
Угледниот Transfermarkt состави дрим тим од играчи кои некогаш биле дел од Динамо и од оние кои моментално играат за „Модрите“. Во тој состав има место само за двајца од денешните играчи, голманот Ливаковиќ и шпанското крило Олмо.
Сите останати некогаш биле продадени, а денес играат ширум Европа. Во тимот е и Лука Модриќ, најдобриот играч на светот за 2018 година кој почна во У17 тимот на Динамо, за потоа преку Тотенхем да стигне онаму каде што е денес, во Реал Мадрид.
Во дрим тимот нема место дури ни за играчи од калибарот на Марко Пјаца, кој со 23 милиони евра е рекорден трансфер на клубот, потоа сегашниот капитен Аријан Адеми, напаѓачот Марко Рог кој игра за Каљари, искусниот голгетер Марио Манџукиќ, бекот Домагој Вида од Бешикташ, Иван Шуњиќ од Бирмингем и уште многу други.
Динамо игра во групната фаза од Лигата на шампионите, победува, но доколку би го имал овој дрим тим сигурно таа фаза по групи би била само попатна станица.