Samsung оваа година ќе ги претстави Galaxy Note 20 и 20 Plus, a сега се појавија и нови детали за овие два смартфона.
Семејството на Galaxy Note ќе позајми некои карактеристики од серијата S која беше претставена во февруари оваа година, а неколку сличности откриваат и рендерите кои се направени врз основа на познатите информации.
Note 20 Plus ќе добие 6,9-инчен екран како и S20 Ultra, додека стандардниот Note 20 ќе има 6,7-инчен екран.
Задната страна открива дека камерите ќе бидат фантастични. Сè уште не се познати многу детали, но Note ќе има повеќе камери коишто ги поседува S20 Ultrа.
Од Samsung остануваат мистериозни кога станува збор за повеќе детали, но се очекува дека Note нема да има толку заоблен екран како уредите од серијата S20.
Се очекува да понудат повеќе RAM меморија и подобар процесор.
Минатата година, уредите од серијата Note беа претставени во август, а неколку недели подоцна започна продажбата. Засега не е познато дали пандемијата со коронавирусот ќе влијае на претставувањето на новите уреди.