Се очекува iPhone 15 Pro да биде објавен заедно со Pro Max и два други модели на iPhone во текот на есента оваа година.
Иако до објавата на линијата iPhone 15 има уште многу месеци, шпекулациите и рендерите кои го покажуваат потенцијалниот изглед на уредите од новата линија веќе почнуваат да се појавуваат. Овој пат имаме рендери за iPhone 15 Pro.
Станува збор за CAD рендери, кои компанијата Apple ги испраќа до производителите на додатоци, со цел да се создаде додаток кој ќе биде готов кога ќе се официјализира новиот iPhone.
Врз основа на креираните рендери, гледаме дека USB-C портот конечно доаѓа на iPhone оваа година. Има и нов дизајн, кој е малку позаоблен и закривен, со заоблено стакло. Ова би требало да го олесни држењето на телефонот в рака.
Испакнатината за камерите на задната страна најверојатно ќе биде поголема од моделот iPhone 14 Pro, што укажува на дополнителни подобрувања, со поголеми сензори.
Големината и резолуцијата на екранот се очекува да бидат слични на минатогодишниот модел, но рамки околу панелот ќе бидат потенки. Dynamic Island е сè уште присутен и изгледа исто како моделот iPhone 14 Pro.
Треба да се нагласи дека овие рендери не ги одразуваат сите аспекти на конечниот дизајн што Apple ќе го имплементира во iPhone 15 Pro. Видете повеќе рендери овде.
iPhone 15 Pro renders#Apple #iPhone15Pro pic.twitter.com/y8FCN6uFCY
— Mukul Sharma (@stufflistings) February 17, 2023
