Иако пред саемот на автомобили во Париз се шпекулираше дека Renault може да го претстави новото Clio токму на домашен терен, тоа не се случи.
Петтата генерација на Renault Clio сепак ќе почека некоја друга прилика за да ја доживее својата премиера, а во меѓувреме продолжува да се претпоставува за тоа каков ќе биде дизајнот на надворешноста на овој автомобил.
Се очекува новото Clio да преземе стилски детали од најновата генерација на патничките автомобили на Renault, како моделите Megan или Talisman, а како тоа би можело да изгледа се обиде да ни претстави сајтот Motor1.com Italia на овој спекулативен компјутерски рендер:
Како што од порано оваа година пишуваше AutoExpress, новото Clio ќе еволуира од актуелната, четврта генерација.
Renault Clio 5 ќе биде базиран на CMF-B механичка платформа која ја користи и новата Nissan Micra, а моторизацијата ќе опфати трицилиндарски 0.9 литарски турбо бензинец, како и нов четирицилиндарски 1.3 бензински мотор со турбо полнач (развиен во соработка со Mercedes).
Неизвесно е дали Renault воопшто ќе им понуди на клиентите дизел мотори во новиот модел, во однос на тоа дека автомобилската индустрија под притисок на власта во многу земји се откажува од овој вид на погонски агрегат.
Се очекува новото Clio да има и одредени системи за полуавтономно возење, па автомобилот ќе може самостојно да го корегира правецот на движење, да забрзува и да кочи, што значи дека технологијата полу-автопилот полека се наметнува и во пониските сегменти на патнички возила.
Renault покрај стандардната ќе понуди и таканаречена „крос“ варијанта од својот компактен модел, која ќе се појави како ривал на Ford Fiesta Active.