Директорите и основачите на големи успешни компании се под стрес на секојдневното живеење како и секој од нас и сите имаат различни начини за справување со тешките моменти.
Најуспешните луѓе ги споделуваат нивните методи за ослободување на стресот од работата.
Бил Гејтс чита пред спиење
Коосновачот на Microsoft Бил Гејтс сака да да се опушти со читање пред спиење најмалку еден час, без разлика колку доцна легнува. Во интервју за списанието Fortune Гејтс сподели и еден совет што го научил од Ворен Бафет во врска со поедноставување на животот.
„Неговата способност да ги разгради нештата, да се фокусира на она што е најважно, да мисли на најосновните работи, тоа е неверојатно. Треба да си посебен гениј да можеш да го направиш тоа“, рече Гејтс.
Ворен Бафет свири на укулеле
Ворен Бафет, еден од најуспешните инвеститори во светот, има многу хобија. Ужива да свири укулеле и има настапено во живо на вести.
Според едно истражување на Универзитетот на Калифорнија, активности што ментално ве стимулираат, како учење да свирите на инструмент, помага во намалувањето на стресот.
Шерил Сендберг го исклучува телефонот навечер
Оперативната директорка на Facebook Шерил Сендберг вели дека не е во прашање тоа што го пртавите, туку што не правите. Таа се труди да се дистанцира од социјалните мрежи и проверување на електронската пошта и затоа навечер го исклучува телефонот.
Таа вели дека на тој начин ништо не ја вознемирува во текот на ноќта и може мирно да се наспие, што ѝ помага да се справи со стресните ситуации во текот на денот.
Елон Маск директно се соочува со неговите стравови
Во 2008 година светската економија беше нестабилна, автомобилски компании банкротираа, а Tesla поминуваше низ тежок период. Главниот извршен директор на оваа компанија Елон Маск, се разведуваше во тој период. Сепак, тој успеа да го надмине тешкиот период и да напредува, носејќи паметни одлуки.
Како му успеа тоа? На самитот Dublin Web Summit во 2013 година тој откри дека тајната е во тоа како се справувате со стравот и дека големите претприемачи во Силиконската Долина едноставно не се плашат и да доживеат неуспех.
„Стравот е конечен, надежта е бесконечна. Страв ни е од неуспех, но тоа не нѐ спречува да се обидеме“, рече тој.
Џеф Безос се смее многу
„Ако ме прашате мене, многу се смеам“, рече основачот на Аmazon во интервју за Academy of Achievement. Безос додава дека голем дел од стресот се должи на игнорирањето на работи што не треба да ги игнорирате.
„Стресот обично потекнува од непреземањето мерки за работите врз кои всушност имате контрола. Имам забележано дека откако ќе го идентификувам проблемот, ќе го направам првиот телефонски повик или ќе го пратам првиот мејл за да се реши раотата, дури иако не е целосно решена, ми дава чувство дека се справувам со ситуацијата. Тоа значително го намалува стресот од помислата дека нештата стојат во место.“