Римската војска своевремено била најголемата светска сила. Но, каков бил животот за луѓето кои ја сочинувале таа моќна армија?
Римската Империја во својот цут се простирала од Британија до Египет, зафаќајќи огромна територија на Европа, делови од Азија и Африка и целиот Медитеран. За такво достигнување Римјаните не се избориле само со одлични генерали, туку и со добро подготвена и дисциплинирана војска.
Римските војници служеле во армијата околу 25 години, почнувајќи од својата 18-годишна возраст, а право на пензија добивале после 40-тата, се разбира, доколку преживееле до тогаш. По пензионирањето од државата добивале земја и богата пензија.
И покрај бруталноста на битките и тешките шанси за преживување, многумина воопшто не се двоумеле да ѝ се приклучат на војската токму поради големиот бенефит по пензионирањето. Добивале и други предности во однос на обичниот народ, па да се биде римски војник било и привилегија.