Дитер Зече официјално го препушти кормилото на германската автомобилската компанија Daimler под чија капа функционира брендот Mercedes, 13 години откако стана дел од раководниот врв.
„Мустаклијата“ Зече со неговата појава и харизма со години беше заштитен знак на Mercedes каде го помина целиот работен век.
Често се појавуваше во јавност, а големите саеми за автомобили и светските премиери на новите модели беа незамисливи без неговото присуство.
На местото на Зече доаѓа Ола Калениус, родум Швеѓанец, кој ќе биде прв директор на германската компанија кој не е Германец.
Mercedes и BMW се стари ривали, но во нивното натпреварување секогаш биле фер и не си го извалкале образот, ниту пак ја изгубиле смислата за хумор.
Токму така BMW и се збогува од драгиот ривал Зече – со почит, хумор и благодарност за здравата конкуренција низ годините.
Погледнете во видеото како старите ривали го седнаа „Мустаклијата“ зад воланот на BMW:
