Синоќа почина најголемиот светски фудбалер Едсон Арантес до Насименто, попознат како Пеле, а тоа предизвика голема тага во неговиот Бразил.
Легендарниот Бразилец почина во болницата Алберт Ајнштајн во Саун Пауло, каде престојуваше извесно време откако состојбата му се влоши во битката со ракот. Тој почина синоќа на 83-годишна возраст.
Ова го потресе фудбалскиот свет, но и цел Бразил, каде отсекогаш го сметаа за крал и најдобар фудбалер што оваа земја некогаш го имала.
Голем број навивачи пристигнаа пред култниот стадион Маракана, каде Пеле ги одигра едни од најдобрите фудбалски натпревари во текот на кариерата. Со солзи и транспаренти навивачите се простија од својот голем херој.
Стадионот Маракана беше осветлен во златни бои во чест на Пеле, додека на култниот стадион Вембли беше испишано неговото име и годината на неговото раѓање и смрт.
Но, најшокантна е објавата на Сантус. Ова е клубот во кој Пеле во кариерата постигна повеќе од 600 голови и остави неизбришлива трага.
Во Сантус немаа сили да се простат со изјава, наместо тоа објавија едноставна слика на која кралска круна е поставена на црна позадина. До неа стои зборот „Вечен“.
