Сите сакаме да бидеме почитувани од луѓето околу нас и да бидеме пријатно и забавно друштво.
Најлесниот начин да бидете допадлива, популарна личност е да ги насмеете луѓето. Но, начинот на кој го правите тоа ја прави целата разлика.
Авторот на YouTube каналот Charisma on Command често користи примери од вистинскиот живот за да ни покаже како да ги подобриме животните вештини и да водиме поквалитетен социјален живот.
За потребите на оваа тема, тој како пример го наведува комичарот Ендру Шулц (Guy Code, The Brilliant Idiots, Sneaky Pete) кој е популарен поради неговата способност да ги насмее луѓето дури и кога се шегува на нивна сметка, без да им се умилкува.
Ова се неколку совети на кои се укажува, како на пример дека Шулц користи стереотипи за да ги насмее луѓето, но не на навредлив начин.
-За почеток, шегувајте се на сметка на луѓе за кои е очигледно дека ви се допаѓаат
-На некои прашања намерно давајте апсурдни одговори
-Кога се шегувате со некого, дајте му и комплимент
-Шегувајте се на сметка на сите политички партии подеднакво.
