Winter is coming, а за обожавателите на „Game of Thrones“ тоа значи крв, предавство и многу, жешки секси сцени.
Колку и да ги обожаваме овие сцени (покрај останатите, секако), многу често ја гледаме новата епизода од омилената ТВ-серија во друштво и тоа знае да биде малку незгодно.
Во зависност од тоа дали гледате со братот/сестрата, со симпатијата, со цела фамилија или со поширокото друштво, следете ги овие совети и суптилно ибегнете да ви се случи awkward moment кога ќе дојде редот на секс сцените.
Диверзија со смрт
Кога ќе почне секс сцена меѓу Серсеи и брат ѝ додека ја гледате новата епизода заедно со братот/сестрата, почнете да набројувате најдобри сцени во кои биле убиени главни ликови во серијата, со сите крвави, одвратни детали... Што било само да не мора да зборувате за сцената што ја гледате сега.
Диверзија со кученце
Ако гледате со симпатијата и (конечно) се случи првата секс сцена меѓу вашите омилени ликови, намалете ја сексуалната тензија со неутрален муабет за смешни видеа со кучиња. Тоа е толку невино и слатко. Плус ќе знаете дали сака кучиња или си го губите времето.
Диверзија со политика
Гледате „Game of Thrones“ со родителите (бидејќи имате супер кул родители и тоа е фантастично) кога одеднаш почнува секс сцена што е прилично деградирачка за жените. Решение? Се вртиш кон мајка ти и ја замолуваш да изгугла колку жени пратенички има во Парламент и на раководни функции. Тоа ќе ја позанимава некое време.
Диверзија од искуство
Во случај да гледате слична сцена со татко ти, во критичниот момент на целосна голотија на цел екран, почни да кашлаш неконтролирано и прати го татко ти по вода. Сигурно знаеш како оди тоа, кога беше дете тој те праќаше по вода кога имаше бакнување на ТВ.
