Дали ви се случило да одите во теретана и секое утро да трчате, а на вас да нема видливи резултати од секојдневното вежбање? Некогаш не е до вас туку до вежбите кои ги правите.
Вашето тело едноставно не реагира иако секојдневно и дисициплинирано се посветувате на вежбањето. Добрата вест е дека вашето тело може да се разбуди од оваа инертна состојба.
Еден начин да го активирате телото е да започнете со нова рутина или да воведете повеќе вежби кои ќе активираат различни делови од вашето тело. Воведете кардио вежби, продолжете со вежби за сила и завршете со неколку повторувања на вежби за издржливост. Се разбира ништо нема да направите ако не се храните правилно.
Од исклучителна важност е да воведете денови кога не го оптеретувате телото со што дозволувате тоа да одмори за нови предизвици во теретаната. Исто така оптоварувањето не е она кое ви дозволува да одморите - не значи дека треба да „запнете“ само за да се одморите наредниот ден.
Во случај да и новите вежби не прават ништо да го подобрат вашето искуство при вежбањето обидете се со мерење на пулсот по секоја вежба. Без разлика дали станува збор за стара или нова вежба, ако нема никакво влијание на пулсот „баталете“ ја.
За конечно да почнете да се потите, најпрво започнете пополека и постепено зголемувајте го темпото на вежбање и резултатите ќе бидат видливи многу брзо.
