Здравје

Како да го спречите мамурлакот?

10. октомври 2018 - 19:57 | А.С.

Се ближи сезоната на слави и празници и дружењето со блиските честопати е проследено со пиење алкохол.

Без разлика колку ќе испиете, мамурлакот може да ве стигне и од само две чашки алкохол, па ако сакате да се разбудите со лесна глава и без мачнини, подгответе го телото уште пред да си легнете. Не за џабе се вели, подобро да се спрели отколку да се лечи.

Првиот совет на нутриционистите е да пиете многу вода уште пред да излезете и да почнете да пиете алкохол. Ако во обичната вода додадете малку сол ќе ги поттикнете електролитите што ќе го балансираат организмот.

Пред да почнете со пиење алкохол внесете доволно протеини во организмот кои ќе делуваат како одбранбен штит на системот за варење.

Пред да си легнете изедете парче овошје за да има црниот дроб доволно фруктоза за да почне процесот на детоксикација.

Јаболкото, грозјето и лубеницата се добар избор за тоа.

Добар додаток е витамин Б1 што ќе спречи тегоби на нервниот систем, мускулите, желудникот и цревата.

Ако вечерта сте пиеле алкохол, без разлика дали ги чувствувате симптомите на мамурлакот или не, утрото кога ќе станете напијте се сок од цвекло или коктел од обична вода, кокосова вода, сок од портокал и малку сол за да ја подобрите работата на црниот дроб.

Коментирај