Многу луѓе се здебелија во текот на пандемијата, најмногу како резултат на прекумерното седење дома, што значеше и повеќе јадење, но и недоволната физичка активност.
Ова зголемување на телесната тежина нема никаква врска со географската локација, покажаа истражувањата. Додека траеја карантините, полициските часови и другите локдаун мерки, многумина се свртеа кон калорична храна како слатки или пица за да се ослободат од стресот, кога не можевме да направиме ништо против ситуацијата, освен да ги почитуваме мерките и да се надеваме дека сѐ што правиме ќе придонесе побрзо да заврши пандемијата на COVID-19.
Исто како што пандемијата ги промени навиките во исхраната, исто така влијаеше и на навиките за вежбање. Многумина кои се потпираа на спортските сали и теретаните за трошење на вишокот калории и масни наслаги, се најдоа затворени дома и без омилените справи и режими на вежбање. Луѓето исто така останаа без основната секојдневна физичка активност - како што се пешачење до работа или викенд прошетките во природа.
Ако го читате ова и размислувате за вашите сопствени навики што сте ги стекнале изминатата година, не е време да се обвинувате себе си.
Дефинитивно направете пауза. Јадењето е едно од задоволствата во животот, а пандемијата беше толку стресна, разбирливо е што јадевме повеќе од нашата омилена брза храна - и почесто и во поголеми количини.
Сепак, важно е да се препознаат несаканите здравствени последици од локдаун мерките - дебелината или прекумерната тежина може да го зголемат ризикот од тешка форма на COVID-19.
Не се обесхрабрувајте, има начини да го забрзате метаболизмот, да ги смените лошите навики и да го стопите „пандемиското салце“, и тоа почнувајќи од денеска.
Јадете по три оброци и по три ужинки секој ден, на временско растојание од три до четири часа. Никогаш не прескокнувајте оброци; имајте нешто при рака што можете да го „грицкате“ кога сте премногу зафатени за да застанете и да јадете. Обидете се да го усогласите времето за оброците со дневните обврски.
Поставете си цел да имате најмалку 85 грама протеини по оброк. За полесна пресметка, користете апликации и разни калкулатори што може да ги најдете онлајн, како MyNet Diary.
Постепеното кревање тегови со мала тежина ќе ви помогне да ја одржувате мускулната маса, да го зголемите метаболизмот и тонусот на мускулите при слабеење.
Брза прошетка од најмалку 30 минути секој ден го зголемува вашиот метаболизам и ви помага да согорувате дополнителни калории.
Понекогаш можеби сакате да се препуштите на слатките, но топла бања, пеење на глас и танцување во дневната соба или прошетка низ маало може подеднакво да ви помогнат да се ослободите од стресот.
