Грижата за вашиот имунолошки систем заслужува внимание секој ден во годината, а е посебно важна во зимскиот период за да останете што поздрави.
За да го зајакнете имунитетот, важно е доволно да спиете, да избегнувате прекумерна консумација на алкохол, да одржувате редовна физичка активност и да се храните здраво. А кога е во прашање исхраната, постојат специфични нутритиенти кои ќе ви помогнат во подигнувањето на имунитетот.
Витамин Ц
Доколку повозрасните ви кажале на првиот знак на настинка да пиете лимунада или сок од цеден портокал, веќе знаете дека тоа е така затоа што витаминот Ц е еден од најмоќните нутритиенти за вашиот имунитет.
Овој антиоксиданс може да го зголеми производството на бели крвни клетки, кои помагаат во борбата против инфекциите.
Постојат многу други добри извори на витамин Ц, како што се следниве намирници:
- Пиперки
- Цутрусно овошје
- Јагоди
- Бел компир
- Брокула
- Карфиол
- Кисела зелка
Витамин Д
Од зајакнување на коските, намалување на воспаленијата и помош на вашето тело да го апсорбира калциумот - до подобрување на имунитетот, внесот на витамин Д е клучен за вашето целокупно здравје. Храна која е богат извор е:
- Риба, како туна, лосос, сардина или сабјарка
- Млечни производи
- Сок од портокал
- Жолчка oд јајце
Омега-3 масни киселини
Најдобри извори на омега-3 масни киселини се:
- Риба и морски плодови
- Растителни масла како репка и соја
- Оревести плодови и семиња како ленено семе, ореви и чиа семе.
Бета-глукан
Исхраната богата со влакна од растително потекло е важна за здравјето, а бета-глукан е вид влакна кои помагаат во зајакнувањето на белите крвни клетки кои помагаат во борбата против инфекциите.
Постојат повеќе извори на бета-глукан во житарки како на пример:
- Зоб
- Јачмен
- Пченица
