Поранешниот сопруг на актерката Меган Фокс и ѕвезда на серијата „Beverly Hills 90210“, Брајан Остин Грин, се чини конечно ја преболи врската со холивудската убавица.
Според таблоидот People, тој „најде утеха“ во прегратките на танчарката Шарна Барџес. Двајцата преку социјалната мрежа Instagram потврдија дека се во врска со објавување на заедничка фотографија.
Шарна Барџис (35) од популарното шоу „Dancing with the Stars“ сподели фотографија со актерот. „Тој“, напиша кратко таа.
Грин и Барџес беа видени заедно непосредно пред Божик, а сега ја потврдија својата врска и добија бројни честитки на социјалните мрежи.
„Всушност, веќе не сум сингл“, изјави танчерката за Us Weekly во декември.
„Но, сепак е многу ново, знаете, се забавуваме, никој сè уште не го нарекува тоа врска“, рече таа тогаш.
Во мај, Остин Грин потврди дека раскинале со Меган Фокс, а актерката поднесе барање за развод во ноември.
Остин Грин, кој беше во брак со Фокс десет години, во една од епизодите на неговиот подкаст во мај минатата година потврди дека се разведуваат.
„Сакав ова да излезе од моја уста. Сакав луѓето да слушнат сè од мене", објасни тој и тогаш тврдеше дека Фокс е во врска со раперот Машин Ган Кели.
Но, се чини дека актерот не ја преболел Фокс, барем не како што се обиде да го претстави „преболувањето“ во мај кога отворено зборуваше за нивниот развод по 10 години брак.
Тој одговори на објавата на неговата поранешна сопруга на Instagram во август минатата година. Да потсетиме, актерката објави фотографија со Машин Ган Кели под која напиша:
"Убав до болка. Моето срце е твое“, напиша Меган под црно-белата фотографија на која позира со своето ново момче.
Не требаше долго за нејзиниот поранешен сопруг индиректно да реагира на оваа објава. Брајан објави серија фотографии од нивните три сина заедно, Ноа, Боди и Џрни, како и неговиот најстар син од првиот брак, Касиус.
"Момчињата се убави до болка. Моето срце е нивно“, напиша Брајан алудирајќи на објавата на Меган која ја објави само еден час порано.
