Поранешниот олимпиец и тренер за сила Ден Џон често споделува совети на својот канал на YouTube.
Во неодамна објавено видео одговори на прашање од следач кого го интересираше како да тренира за да може да направи 100 склека во една серија.
„Треба да бидете способни да направите најмалку 25 склека пред да можеме да зборуваме за тоа да стигнете до 100. Тоа е како да сакате да трчате маратон, а не можете да трчате ни трка на 5.000 метри. Само треба време“. рече тој на почетокот.
Џон препорачува правење варијации на склекови за да се изгради издржливост. Еден пример е познатиот TikTok склек
Откако ќе можете да направите 20 или 25 склекови по ред, ако го правите тоа редовно, многу брзо ќе дојдете до 80 повторувања.
„Доколку е потребно, одморете се во горната положба за склек со раширени раце. Откако еднаш или двапати ќе направите 80 склекови, ќе ја достигнете магичната бројка од 100 побрзо отколку што мислите“, додава Џон.
Склековите прават чуда за телото. Не само што ги активираатр мускулите на горниот дел од телото, туку се одлични и за вашето јадро.
„Обидете се да направите што повеќе склекови за една минута. Ако не можете да стигнете до 40, нема да ви дозволам да кревате тегови. А следниот ден, чудната болка во вашите мускули ќе ве потсети дека една од наједноставните и најосновните вежби е сепак најдобра“, заклучи тој.
