Рецепт за домашно крем сирење од само четири состојки, може да стои во фрижидер до две недели. Одлично е за пити и кифлички, како и за подготовка на разни колачи како чизкејк или тирамису.
Потребни состојки:
- 1 л полномасно млеко
- 2 до 3 лажици сок од лимон
- 3 лажици неутрална павлака
- малку сол
Начин на подготовка:
Загрејте го млекото на умерена температура, додека не зоврие. Потоа додадете го сокот од лимон. Варете неколку минути со постојано мешање, а кога млекото ќе се згусне и издвои маснотијата, тргнете го тенџерето од шпорет.
Процедете ја смесата низ густа газа, а сирењето кое е внатре префрлете го во блендер. Додадете ја неутралната павлака и добро миксајте додека не добиете кремаста смеса без грутки.
Доколку немате блендер ќе послужи и рачен блендер. Сирењето чувајте го во фрижидер, во стаклен сад со капак.
