Повеќепати сме советувале за тоа како да изгледате подобро на фотографии, преку финти за позирање и држење на телото, како и вадење на максимумот од камерата на вашиот телефон. Но кога станува збор за фотографирање, речиси сè се сведува на светлината.
Навистина е важно како е позициониран субјектот во однос на светлината, дали е вештачко или природно светло и со кој интензитет е. Па ако не сте професионалец, најверојатно не сте ги знаеле следниве совети и трикови, што ги објави TechInsider, кои ќе ви помогнат да направите многу добри фотографии.
1. Избегнувајте светло што паѓа одозгора. Сончевата светлина напладне, или пак светло што свети во просторија одозгора, ќе направи чудни и неубави сенки на вашето лице - затоа е подобро да не фотографирате во ваква ситуација.
2. Внатрешната (вештачка) светлина воопшто, е исто така лоша за фотографирање. Наместо ова одберете позиција на сенка, во сончев ден, надвор. Бидејќи светлината паѓа од повеќе страни, го омекнува вашите црти и прави да изгледате подобро.
3. Добар избор е помала светлина, што паѓа директно на еден дел од лицето. На пример светлина од прозорец или специјално светло.
4. А ако застанете поблиску до оваа светлина, ќе дозволите таа да ви го осветли целото лице и да добиете изедначена, добро распоредена светлина.