Еден од најдобрите козметички производи за лице во жешките летни денови е BB кремот. Освен што е одлична замена за течната, крем или пенаста пудра за лице, BB кремот исто така ја негува нежната кожа на лицето.
Во парфимериите и аптеките има широк избор на овој производ, но можете да го направите сами со состојки што ги имате дома, а некои веќе ги користите.
Ова се состојките што ви се потребни за да направите домашен BB крем:
Течна пудра во нијанса што веќе ја користите
Камена пудра
Алое вера гел
Бадемово масло
Крем за заштита од сонце
Пластичен сад со капаче.
Начин на подготовка:
Во садот ставете една лажица крем за заштита од сонце и додадете една лажица алое вера гел што ќе ви ја даде потребната влажност.
На смесата додадете една четвртина лажица бадемово масло, а може да употребите и друго масло кое проверено ви одговара на кожата. Ако имате мрсна кожа, може воопшто да не ставате масло. На крај додавајте од течната пудра додека не ја добиете саканата нијанса.
Откако добро ќе ја измешате смесата, додавајте изронета камена пудра и мешајте додека не ја добиете посакуваната густина и текстура.
Смесата чувајте ја во затворениот пластичен сад (старо пакување од крем за лице одлично ќе ви користи), на суво и темно место.
