Живот

Како да направите совршено селфи?

13. февруари 2018 - 15:06 | А.С.

Ако нема некој во близина да ви направи совршена фотка, не ви останува ништо друго освен да поработите на вашите вештини за правење селфи. Секој може да направи добро или интересно селфи во интересна ситуација, а сега може и да направите совршено селфи како блогерките кои ги следите на Instagram.

Токму тие ги споделуваат нивните тајни како во секоја ситуација може да направите фотка за паметење.

Внимавајте на аголот на фотографирање

Повеќето девојки и момци кои редовно прават селфи знаат која е им е „подобрата“ страна за фоткање и од кој агол изгледаат најдобро. Направете неколку фотки од различни агли и на ралично осветлување и откријте која е вашата најдобра поза и позиција. И вежбајте стабилност на раката.

Не мора да фатите сѐ

За добро селфи не мора да го опфатите целиот аутфит, најважно е да го истакнете она за кое го правите селфито – добра шминка, интересна фриура, нови патики, интересна марама...

Исчистете го огледалото

Откако ќе го најдете совршеното огледало погрижете се да биде чисто за вашите селфи предизвици. Џабе добрата поза и аутфит ако имате дамка или замаглен дел од огледалото.

Бидете креативни

Ок, не измисливме топла вода, но креативноста во правењето селфиња значи да го покажете својот карактер – одберете интересна позадина, имајте заштитна гримаса, фотнете се на необично место... и не се грижете колку лајкови ќе добиете.

Коментирај