Дарувањето е убав гест со кој може да го подобрите расположението на саканата личност и да ѝ покажете колку ви значи.
Психолозите се фасцинирани со тематиката на подарувањето затоа што тоа кажува многу и за самите луѓе- начинот на кој ги перципираме саканите луѓе, колку креативност внесуваме во некој подарок и со колкава љубов им подаруваме нешто.
Луѓето се родени за да се социјализираат и тоа е она што ги издвојува од другите.
Подарувањето е одличен начин за социјализација со блиските луѓе.
Ова се неколку совети кон кои треба да се придржувате кога купувате подарок.
Не додавајте мал подарок на големиот
Се двоумите дали да купите машна за скапата кошула? Или цвеќе со шампањ? Немојте. Психологијата вели дека кога ќе добиете подарок во пакет, несвесно ја оценувате неговата вредност, па малиот подарок прицврстен на главниот ќе наштети на неговата вредност.
Патување наместо iPhone
Потполно новиот iPhone Или iPad за брзо време ќе биде застарен модел, но одморот од соништата ќе донесе спомени кои ќе траат засекогаш.
Вложувајте во нематеријалните задоволства коишто ја исполнуваат душата со радост и позитивни емоции.
Размислувајте како личноста на која ѝ подарувате нешто
Едноставно кажано: купете подарок каков што вие би сакале да ви подарат. Прашајте ја саканата личност дали има некаква желба, или водете се според нејзиниот вкус и стил.
Трошете повеќе на другите отколку на себе
Истражувањето покажува дека подарувањето за време на новогодишните празници носи среќа.
Секогаш ќе ви биде драго кога личноста ќе се пофали дека сè уште го употребува она што вие сте ѝ го купиле.
Затоа, бидете дарежливи кон оние коишто ги сакате. Не заборавајте дека не треба да потрошите многу пари.
Секогаш може да изработите креативен подарок за кој нема да ви е потребен голем буџет, а ќе го направите со многу љубов.