Дали сте знаеле дека запознавањето на нови луѓе во просек успева да ни го задржи вниманието за помалку од 30 секунди? За толку кратко време е пожелно да оставиме добар впечаток.
Овие корисни совети ќе ви помогнат да се покажете во најдобро светло.
1. Одредете го типот на соговорник
Истражувањата покажале дека 55% од луѓето управуваат со тоа што го гледаат, 15% со тоа што го слушаат, а 30% со психичката сензација. Визуелниот тип на луѓе обрнува внимание на изгледот на работите, тие размислуваат во слики, доста гестикулираат. Аудитивниот тип ужива во секој изговорен збор, говори со мек глас. Последниот тип на луѓе сака работите да бидат добро поставени и исправни.
Кога сте со визуелен тип на човек пожелно е да изгледате добро, со аудитивен да зборувате со пријатен тон, а оние кои реагираат на вашата психа, со нив да покажете чувствителност и флексибилност.
2. Облеката е важна, да не се лажеме
На повеќето жени им е важно да се чувствуваат пријатно во тоа што го носат. Тоа нека ви биде еден вид насока. Одберете облека што не е премногу нападна, а која прави добро да се чувствувате во сопствената кожа. Одлучете се за веќе испробана комбинација која во минатото дала резултати.
3. Насмевка на лицето при поздравување
Запознавањето трае неколку секунди, а многу е важно првиот впечаток да биде добар. Покажете заинтересираност, топлина, положбата на телото нека биде отворена, одржувајте го контактот со очи и насмевнете се. Никако немојте да изгледате луто, саркастично или нестрпливо. Кога го изговарате вашето име зборувајте јасно и први пружете рака при запознавање.
4. Имитирајте
Докажано е дека луѓето имаат позитивна реакција кога кај другите ќе забележат слична гестикулација, боја на глас, дикција и слично. Најбрз начин да му се допаднете на соговорникот е да го имитирате неговиот говор на тело. Користете исти движења, ако се навали кон вас направете го истото, ако се насмевнува кога зборува за другите и вие насмевнете се.
Само, внимавајте да не претерате, бидејќи може да помисли дека го исмејувате.