Купувачите се предупредени дека поплавени возила може да завршат кај дилерите на автомобили.
Ураганот Ида го погоди северниот брег на Мексиканскиот Залив кон крајот на август, па продолжи кон областа Луизијана, со ветар кој дуваше со брзина од 240 км/ч. Тоа беше само почеток на пустошот што продолжи по источниот брег на САД, носејќи силен дожд и поплави во главните метрополитенски области во државите Њу Џерси, Пенсилванија и Њујорк.
Веб-страницата Carfax, која дава совети за купувачите на автомобили, проценува дека дури 212.000 возила во областите погодени од ураганот може да бидат сериозно оштетени од поплавите предизвикани од обилните врнежи.
Carfax ги предупредува купувачите дека овие возила може да завршат во продажните салони за автомобили и потоа да се најдат на патиштата, веројатно без никакво предупредување дека биле поплавени, но и без посериозна проверка и замена на компонентите што биле изложени на влага.
Во извештајот се забележува дека многу поплавени возила честопати изгледаат нормално на прв поглед откако ќе се исушат, но проблемите настануваат подоцна за време на возењето. Тоа може да се случи неколку дена, неколку месеци, па дури и неколку години подоцна.
„Нашите податоци покажуваат дека купувачите, кои воопшто не се сомневаат на штета, се изложени на ризик да завршат со автомобил што претходно бил поплавен“, вели Крис Басо, портпарол на Carfax.
„Вистинската опасност е дека овие автомобили може да изгледаат добро и да работат добро некое време, но порано или подоцна најверојатно ќе се појават големи проблеми. Поплавените автомобили буквално скапуваат одвнатре кон надвор, а на лаиците често им е тешко да се откријат такви оштетувања“.
Обилни врнежи дожд и поплави ја зафатија и Европа, особено земјте во западниот дел на континентот од каде најчесто доаѓаат половните автомобили за Балканот и Македонија, па советите на Carfax се применливи и за македонските купувачи.
Carfax советува да бидете особено внимателни за време на процесот на инспекција. Неопходно е да побарате знаци за оштетување од поплава, како што се мирис на застоено кондензација на таблата со инструменти, влажни патосници или тапацир, 'рѓа на вратата, како и траги од кал или песок под седиштето или во преградата за ракавици.