Ad settings открива што сè Google мисли дека знае за вас. Тука ќе пронајдете информации за вашата возраст, пол, работа и интереси.
Со користење на услугите на Google, вклучувајќи го и Gmail, компанијата собира информации за корисниците.
Овие информации ги користат за огласите, со надеж дека ќе бидат попрецизни и попрофитабилни. Исто така, корисниците имаат и можност да ја вклучат опцијатa за следење, ако сакаат, пишува Independent.
Со кликнување на страната Google Ad settings се отвора долга листа на интереси која е распоредена на неколку делови. Доколку не сакате Google да собира информации за вас, на врвот се наоѓа опцијата да го исклучите тоа.