Проблемите со акумулаторите спаѓаат во најчестите интервенции на помош на пат.
Циклусите на полнење и празнење, старост на акумулаторот – на крајот сето тоа резултира со дефект. Како да ја проверите состојбата на акумулаторот?
Тоа може да го направите со едноставен тест. Паркирајте го автомобилот во ноќ пред некој ѕид, а потоа исклучете го моторот и вклучете ги кратките светла. Ако светлото се затемни по кратко време, тоа е показател дека акумулаторот ослабнува.
Секогаш може да го проверите и со волтметар но доколку имате дома.
Особено треба да внимавате кога го заклучувате автомобилот да не ви остане вклучено светлото во внатрешноста на автомобилот.
Колку време му е потребно на акумулаторот за да се испразни?
Акумулаторите со помал капацитет, на пример кај бензинците, ако останат со вклучено осветлување во текот на ноќта ќе се испразнат и нема да може да го стартувате автомобилот наутро.
Ова најчесто се случува кај акумулаторите кои се постари од две години - поради поголемиот број на циклуси на полнење и празнење им е намален капацитетот.
Овој проблем најчесто се случува ако возачите не ги затворат вратата по излегување од возилото или ако возачот не ги исклучи внатрешните светла. Новите автомобили имаат опција со која светлата се гасат од 2 до 10 секунди по заклучување на возилото, но ако имате стар автомобил најдобро е да почекате да се исклучат светлата.