Проблеми со концентрацијата, кршливи нокти, чувствителни заби, грчеви во мускулите, се дел од сигналите што телото ги испраќа бидејќи ви недостига калциум во организмот.
Калциумот е исклучително важен елемент за здравјето на организмот. Задолжен е за цврсти коски и заби, а помага и за правилно функционирање на мускулите и срцето.
Кај децата, калциумот е неопходен за нормален раст и развој.
Жените во менопауза и луѓето со проблеми со тироидната жлезда се особено склони кон недостиг на калциум. Тоа се рефлектира низ неколку различни проблеми.
На почетокм знаците не се толку очигледни, но со текот на времето стануваат поизразени. Најчести знаци на недостиг на калциум се: конфузија, проблеми со меморијата, вкочанетост во рацете, стапалата и лицето, депресија, халуцинации, грчеви во мускулите, кршливи нокти, чувствителни заби.
Ако се сомневате дека имате недостиг на калциум, консултирајте се со вашиот матичен доктор, кој ќе ве советува или ќе ве упати на дополнителни анализи.
Јадете намирници кои содржат повеќе калциум како тофу, лосос, грав, брокула, портокали, суви смокви. Важно е да внесувате и доволно витамин Д, бидејќи дополнително ја подобрува апсорпцијата на калциум.