На филмовите сме гледале смртоносни напади од пирани. Делува дека од такво нешто спас нема. Сепак, има!
Пираните се слатководни риби од родот Сералсамидае кои, за наша среќа, живеат само во водите на Јужна Америка. Тие се големи предатори и иако нивната главна храна се други риби, знаат да јадат и растенија и сѐ што ќе им се најде на патот.
Должината им е од 20 до 61 сантиметар. Имаат сиво-сребрена боја на грбот, портокалово-црвена боја на стомакот со сребрени страни. Грбните и аналните перки им се црни и црвенкасто-портокалови пекторални перки. Имаат многу остри заби кои се како ножеви.
Секогаш ловат во групи од 5 до 30 единки кои едноставно се фрлаат за било каква работа која се движи во нивна близина, тоа претежно е некоја риба, птица или некој цицач. По првиот залак на жртвата, крвта од жртвата ја обојува водата во црвено и тогаш сите пирани се собираат на едно место и со голема брзина го јадат својот плен, оставајќи ги коските.
Никој не вели дека е лесно и едноставно да се спасите при напад од пирани, но навистина постојат неколку чекори кои доколку ги следите можете да испливате на безбедно, далеку од гладните и крволочни пирани.
