На лагата ѝ се кратки нозете, па затоа е важно децата да знаат зошто не треба да лажат.
Децата обично лажат за да избегнат казна бидејќи се свесни дека направиле некаква грешка. Многумина родители се загрижени и се прашуваат како да ги спречат децата да не лажат, пишува порталот You Are Mom.
Лагата е одбрамбен механизам. Луѓето ги користат лагите за сопствен интерес или како одговор на нешто што е надвор од нивна контрола.
Како да ги научите вашите деца да престанат да лажат?
Лагата е вродена особина на човекот. Тоа значи дека таа е дел од нашата природа. Освен тоа, луѓето лажат да га избегнат срам, страв, избегнување и потреба да бидат прифатени.
Важно е да сфатите која е причината зошто вашето дете ве лаже. Секогаш треба да му дадете до знаење на детето дека е лошо да го лаже своето семејство и пријателите. Треба да се загрижите само кога вашето дете постојано лаже, за да не му премине во навика и кога ќе порасне.
На која возраст децата почнуваат да лажат?
Тоа зависи од тоа колку се зрели, дали препознаваат добро и лошо, како и потребата да преземат одговорност во својот секојдневен живот. децата почнуваат да лажат на 6 или 7 години.
Децата најчесто лажат бидејќи се плашат, имаат проблеми со самодовербата или ја употребуваат нивната фантазија.
Како да се однесувате кога децата лажат?
За да ги спречите вашите деца да ве лажат, треба да разговарате искрено и отворено со нив и да бидете смирени. Важно е да не го осудувате вашето дете ниту да го критикувате. Не треба ниту да го исмејувате пред другите бидејќи тогаш влијаате негативно на неговата самодоверба.
Разговарајте со децата за последиците
Прашајте го детето која е причината зошто ве лажат. Треба да го научите вашето дете дека на тој начин може да им наштети на другите. Помогнете му да разбере дека треба да биде искрено. Научете ги дека ги прифаќате и сакате и покрај нивните грешки и маани.