Ве фати мрза или едноставно не сакате да излезете од дома освен ако навистина не морате.
Според вас, вежбањето не е нешто што мора да се прави и донекаде сте во право. Не морате, ама треба. И тоа не само заради одржување на линијата или слабеење, туку бидејќи физичката активност е многу важна за општото здравје. Ова е особено важно сега кога поминуваме многу време дома, седејќи, со ограничена или никаква физичка активност.
Можеби ви е удобно да седите дома и да гледате серија или да скролате на социјалните медиуми, но ќе си бидете благодарни ако се убедите да станете и барем да испешачите 30 минути.
Ова се седум совети како да се натерате да вежбате и кога не ви е дојдено до тоа:
Би било навистина одлично да вежбате интензивно или секој втор ден. Сепак, не поставувајте го тоа темпо од почеток. Дајте си шанса да се навикнете на каква било физичка активност, така што вашето тело наскоро ќе бара повеќе. Лесна прошетка од половина час, двапати неделно е вистинскиот избор.
Изберете нешто привлечно што би сакале да го носите дури и кога не вежбате. Спортската облека не мора да биде скапа, сепак, изберете квалитетни материјали. Кога имате опрема што едвај чекате да ја облечете, сигурно ќе го направите тоа.
О, да, музиката навистина го крева расположението и дава енергија. Направете плејлиста што нема да ве остави мирни. Во најлош случај, дури и танцување пред огледало е одредена физичка активност.
Поканете пријател/ка, член на семејството или партнерот/партнерката да вежбате заедно. Поддржувајте се и охрабрувајте се едни со други и не дозволувајте да се откажете. Нема да ви биде досадно - тоа е сигурно! Се разбира - помалку муабетење, повеќе вежбање.
Не ви се излегува надвор? Наместо да гледате смешни видеа или видеа од вашите омилени уметници на YouTube, побарајте ги оние со инструкции за вежби, ги има многу. Најдете програма за вежбање што ви е интересна и забавна и правете ги вежбите додека сте дома. Вежбајте половина час во текот на денот, најмалку три пати неделно. Толку е едноставно.
Пронајдете во што навистина уживате. Зумба, аеробик, теретана, пилатес, трчање или возење велосипед? Има толку многу можности, и ако го правите она што го сакате, ништо нема да ви биде тешко.
Гледајте се себе си и само себе си. Немојте да се разочарувате, ниту да ги следите резултатите и бројките секојдневно. Најдете го вашето темпо и мотивирајте се да бидете доследни.
Ако познавате некој што станува рано наутро секој ден да трча, тоа нема никаква врска со вас. „Не можам да го направам тоа“ не смее да биде причината зошто седите дома.
