Многу луѓе јадат шеќер повеќе отколку што би требало, а слатките и засладените газирани сокови создаваат зависност и ве тераат со тек на времe да внесувате сè повеќе и повеќе.
Нутриционистите имаат јасен план кој може да ви помогне да го прекинете маѓепсаниот круг. Ова се клучните чекори:
Читајте ги декларациите
Многу преработки содржат многу повеќе шеќер отколку што мислите. Читајте ги декларациите, проверувајте ја содржината на шеќер и трудете се во исхраната да внесете што повеќе свежи производи.
Избегнувајте ги слатките
Ова е јасно само по себе. Слатките се таканаречени „празни калории”, намирници кои не го хранат вашето тело, но затоа го затрупуваат со големи количини шеќер кој предизвикува брз скок, а потоа пад на инсулинот во крвта, поради што за кратко време ќе бидете повторно гладни.
Газираните сокови заменете ги со минерална вода
Исто како и слатките, газираните пијалоци само ќе ве огладнат. Доколку сте се навикнале на нив, заменете ги со минерална вода. Вкусот можете да го збогатите со малку лимонов сок.
Јадете редовно
Редовните оброци го стабилизираат нивото на шеќер во крвта, поради што помалку ќе чувствувате глад и желба да грицкате.
Јадете повеќе овошје и зеленчук
Наместо да се фокусирате на тоа што да исфрлите од исхраната, вниманието насочете го кон тоа што да додадете. Збогатете ги оброците со овошје и зеленчук, кои ќе ве држат сити подолго време и имаат помалку калории. Притоа, содржат природен шеќер фруктоза која ќе ви го олесни одвикнувањето од слатките.
Јадете намирници богати со протеини
Секој ваш оброк треба да содржи намирници богати со протеини.
Пијте доволно течности
Некогаш се случува телото да ја помеша жедта со чувството на глад и тогаш посегнувате по слатки и грицки. Доколку вашиот организам е активно хидриран, нема да посегнувате по сокови и газирани пијалоци.
