Преку потењето телото се лади, а потта се лачи преку жлездите кои ја прекриваат кожата. Поголем дел од потта се состои од вода, но содржи и соли, шеќер и хемикалии. Кога се потиме, се намалува температурата на телото. Претераното потење може да биде непријатно, но постојат начини како тоа да спречите.
Кога вежбаме, сосема е нормално да се потиме повеќе од вообичаено, но понекогаш претераното потење може да дојде ненајавено и да биде непријатно. Што може да направите за да имате подобра контрола над потењето?
1. Користете антиперспирант
Станува збор за супстанца којашто ќе ја блокира работата на жлездите, а може да содржи метали како цинк и алуминиум кои го блокираат потењето низ порите. Се разликува од дезодорансите коишто само го прикриваат мирисот на пот. Иако најчесто се користи под пазувите, може да се користи и на рацете, стапалата па и на лицето, доколку имате хиперхидроза.
Иако не оставаат сериозни последици по здравјето, понекогаш може да ја иритираат кожата. Може да го користите во комбинација со дезодоранс.
2. Совети против потење
Антиперспирантите мора да се стават на кожата пред да започне потењето, за да бидат ефикасни. Важно е кожата да е сува за да минералите од производот го блокираат потењето.
Ограничете го консумирањето на лута, солена и мрсна храна. Тоа што го јадете влијае на тоа колку се потите. Треба да избегнувате лута, масна и солена храна бидејќи телото повеќе троши енергија за процесирање што значи дека повеќе ќе се потите.
Јадењето овошје и зеленчук, кои содржат многу вода, го разладува телото.
3. Пијте многу течности
Течностите ќе го разладат телото и ќе спречат прекумерно потење. Препорака за дневна потреба на течности е 3 литри за мажи и 2,2 литри за жени. Кај поголеми физички активности потребно е дополнителна количина вода. Пиењето вода треба да се зголеми за време на бременост и доење, како и кај некои здравствени состојби како повраќање, дијареја, висока телесна температура.
Денот започнете го со чаша вода, пијте пред да ожеднете.
4. Носете памучна облека
За да избегнете потење, мора да внимавате што носите. Најубаво е да носите памучна облека, избегнувајте синтетика и свила. Носете светла и памучна облека, почесто избегнувајте темни бои.
