Тоа е сериозен проблем кој не треба да го игнорирате. Разговорот со психолог и работата на себе се клучот за решавање на проблемот.
Поради различни животни околности или претходни искуства во врските, кај некои луѓе се развива страв од влегување во врска. Причините можат да бидат многубројни и може да потекнуваат од нашите претходни, лоши искуства или од нас самите.
Одговорот е речиси секогаш во самите себе, а наместо да се саботирате на патот на емоционалниот развој и да создавате нови врски, најдобро би било одговорот да го побарате во себеси. Доколку не сте способни сами да го решите, разговорот со психолог е вистинското решение, и не треба ни најмалку да се двоумите.
Кога влегувате во нова врска, се случува некој внатрешен глас постојано да ви вели да бегате оттаму без разлика на сѐ.
Тоа треба да биде првиот знак дека имате некаков проблем со воспоставувањето врски, кога веројатно не сте ни свесни за тоа, штом сте се обиделе да развиете нова врска.
Проблемот се јавува кога ќе го послушате тој глас.
Со ова воопшто не се решава долгорочниот страв од воспоставување врски, туку само моменталната ситуација. Ова решение е најмалку ефикасно, бидејќи треба да се соочите со стравовите, а не да бегате од нив.
Освен личните стравови, тие можат да бидат предизвикани и од општа недоверба кон луѓето, предизвикана од некои претходни лоши искуства, како што е неверството.
Формирањето ново партнерство е силен поттик за несигурност, која најчесто произлегува од недостаток на самодоверба или страв од отфрлање. Овие несигурности често нѐ принудуваат да бараме одредени гаранции во врските, кои, всушност, се многу ретки во нив.
Првиот чекор кон решавање на проблемот е да го прифатиме фактот дека овој страв постојано ќе нѐ следи. Потоа, треба да се префрли фокусот од барање потврда за своите квалитети кај другите, кон внатрешна потврда на самиот себе. Кога ќе станете свесни за тоа, тогаш пристапувате кон решавање на конкретен проблем.
Се разбира, би било корисно прво да се утврди што е причината за вашите стравови; дали се работи за претходно неверство на партнерот, дека вие не сте биле верни или дека не сте задоволни ниту од себе, ниту од партнерот.
Прифатете го фактот дека овој страв всушност ве мачи. Нема да можете да се опуштите покрај партнерот и да им се препуштите на емоциите кои понекогаш е многу тешко да се контролираат. Тој облак од вознемиреност постојано ќе лебди над вас, постојано ќе бидете сомнителни и незадоволни. Ќе читате меѓу редови каде што нема што да прочитате и постојано ќе грешите во оценувањето на знаците што ви ги дава другата страна.
Наместо да го следите сето тоа и да ве саботира, обидете се едноставно да се препуштите. Дозволете вашиот партнер да биде внимателен кон вас, а вашите емоции да се развиваат непречено. Разберете дека не се сите луѓе исти и дека секое искуство е сосема посебно.
Кога повторно ќе одлучите да воспоставите врска, обрнете внимание на запознавањето на вашиот партнер, неговите желби, планови и преференции. Не влегувајте веднаш во сериозна врска, туку нека се развива сама по себе.