Како еден од најфасцинантните природни феномени, громот е моќен ненадеен тек на електростатично празнење придружено со татнеж кој се слуша за време на бурата.
Од удар од гром умираат повеќе луѓе отколку од торнадо или од некои други елементарни непогоди, вклучувајќи ги земјотресите, поплавите, вулканите итн. Всушност, ударот од гром е масивен шок т.е струен удар кој ослободува огромна енергија. Јачината на напонот може да изнесува неколку стотини милиони волти, со јачина дури до 200.000 ампери. Без оглед на високиот напон, ударот од гром е помалку смртоносен од удар на струја и покрај големиот напон на енергија.
Оние кои преживеале удар од гром имаат минливи невролошки, кардиваскуларни и други пореметувања (губиток на свест, амнезија, пареза, тахикардија, болки во градниот кош, вртоглавица, итн.)
Заштитни мерки
Кога се наоѓате на отворено, најдете место за да се сокриете. Најдобро би било да останете во вашиот автомобил, на железничка станица или во некоја напуштена куќа. Во многу случаи не сте во можност да се сокриете во затворен простор.
Исто така, не треба да стоите под дрво. Ако сте во објект кој нема громобранска инсталација, стојте во средина на просторијата, подалеку од ѕидовите.
