Одгледувањето собни растенија и цвеќиња е одличен начин да го разубавите и освежите вашиот дом, да развиете чувство за грижа и внимание, да ѝ помогнете на планетата Земја да се ослободи од штетните гасови.
Но, сите растенија не сакаат исто ниво на полевање, сончева светлина, пресадување и поместување. Ова особено важи за собните, бидејќи се засадени во саксија.
Можеби ќе ве изненади овој податок, но луѓето почесто претеруваат со наводнување на собните растенија отколку што забораваат да им стават вода.
Ова особено е изразено во периодот на промена пред ладните годишни времиња, кога на растенијата им треба помало количество на вода. Нивните потреби се менуваат со годишните времиња, па научете да ги „слушате“ што им треба.
Во секој случај, полесно е да го „напиете жедното растение“ отколку да го спасите она што е накиснато во вода. Потешко, но не и невозможно.
