Има неколку начини како може да ја зголемите ефикасноста на тренингот. Со мали промени во вашата рутина на вежбање може да изгубите многу повеќе калории.
Интервален тренинг
Интервалниот тренинг или тренинг со висок интензитет се смета за еден од најефикасните начини за брзо губење калории и забрзување на метаболизмот. Овој тренинг вклучува повторување на активности со висок интензитет испрекинати со паузи.
Суперсетови
Суперсетовите се комбинација од две вежби (да ги наречеме А и Б). Откако ќе направите серија од вежбата А, без одмор ја почнувате серијата со вежбата Б, а потоа следи краток одмор. Интензивното вежбање ќе стопи некоја калорија плус.
Вежбање на празен желудник
Истражувањата покажале дека најмногу се кубат калории кога вежбате рано наутро на празен желудник. Ако ништо не сте јаделе пред да вежбате, вашето тело нема јаглехидрати во залихи, па наместо тоа, телото ќе почне да гори масти.
Кардио по тренинг за сила
Најдобро се топат масни наслаги со кардио тренинг откако сте завршиле тренинг со тегови за сила.
Не седете
Ако стоите на нозе додека вежбате или ако шетате во паузата меѓу сетови ќе изгубите некоја калорија повеќе.
Продолжете со топење калории и после тренингот
Користете скали наместо лифт, прошетајте наместо да возите автомобил или да се качите во автобус, прошетајте го кучето, играјте си со детето, исперете го автомобилот...