Најважно е да пронајдете вежба што ви одговара. Ако трчањето не е за вас и ви предизвикува болка, не си поставувајте цел да трчате неколку километри секое утро.
Поставувањето нови цели е лесно, но нивното спроведување на дело може да биде доста тешко. Сепак, истражувањето објавено во списанието JAMA Cardiology најде начин да се усвојат здрави навики кои ќе траат.
Концептот се базира на поставување сопствени цели за вежбање и да не се одложува почнувањето со работа на себе.
Четиримесечното истражување опфати 500 учесници од населби со жители со помали приходи кои или имале кардиоваскуларни заболувања или имале зголемен ризик да развијат таков тип на болест.
На сите им беа дадени преносни уреди за следење на нивото на физичка активност, а потоа беа поделени во две групи.
На луѓето во контролната група им беа поставени два предизвика: првиот утврдуваше дали нивната дневна цел во изодени чекори ќе биде доделена или ќе си ја поставуваат сами, и втората дали веднаш ќе ја остварат целта или ќе им биде потребно некое време.
Истражувачите откриле дека оние кои сами го избрале бројот на чекори и веднаш почнале да работат на остварување на целта, имале најголем просечен дневен број чекори, приближно 1.384 чекори.
Исто така, тие поверојатно ќе продолжат да одржуваат умерена физичка активност.
Истражувачите заклучија дека е важно да се најде вежба што ѝ одговара на личноста. Затоа што ако нешто не ви се допаѓа, ќе ви биде тешко да го направите тоа.
„Се работи за пронаоѓање начин за вежбање што ви носи радост и обрнување внимание на тоа како се чувствува вашето тело додека се движите“, објаснуваат истражувачите.
